Во главниот град на Тајланд, Бангкок, денеска се евакуирани неколку згради по извештаите за појава на вибрации и пукнатини во нив.
„Бангкок пост“ пишува дека евакуација била наредена околу десет часот по локално време.
Се известува дека, меѓу другото, биле изнесени вработени во зградата на владиниот комплекс, вработените во Министерството за труд и судската палата.
Луѓето се евакуирани и од седиштето на владината банка во областа Хуаи Куанг и од Канцеларијата за социјална заштита.