Руски хакер е уапсен во Тајланд, медиумите шпекулираат дека е офицер на ГРУ (руско воено разузнавање).
Хакерот е меѓу 40-те Руси кои се бараат за сајбер напади во базата на податоци на ФБИ.
Тајландската полиција, на барање на САД го притвори рускиот државјанин осомничен за сериозни сајбер злосторства.
Властите го опишаа како „хакер од светска класа“ вклучен во напади врз владина инфраструктура во Европа и Соединетите Американски Држави.
Мажот бил уапсен во хотел во областа Таланг. Полицијата ги конфискувала неговите лаптопи, телефони и крипто-паричници.
Тој моментно е во притвор, а Канцеларијата на тајландскиот државен обвинител веќе покрена постапка за негова екстрадиција во САД.
Според истрагата на порталот „Вот Ток“, уапсеното лице би можело да биде 35-годишниот руски воен разузнавачки офицер Алексеј Лукашев, поручник во единицата ГРУ.
Според американските разузнавачки служби, Лукашев учествувал во хакирањето на серверите на Демократската партија на САД за време на изборите во 2016 година и координирал дел од сајбер нападите врз западните институции.