Разорниот земјотрес со јачина од 7,7 степени според Рихтеровата скала што утрово го погоди Мјанмар предизвика уривање на манастир, во кој имало и деца. Според локалните медиуми, децата загинале кога зградата се урнала врз нив.
Ова е манастирот Велуван во градот Таунгу. Според мештаните, во манастирот имало шест деца, а се стравува дека сите се мртви.
“Меѓу загинатите има деца. Манастирот беше дом на луѓе кои беа насилно раселени од своите домови. Има многу повредени. Спасувачите се таму и помагаат”, изјави локален жител.
Да потсетиме, во земјотресот се урна и џамијата, додека верниците се молеа внатре. Се верува дека загинале повеќе од три лица.