Република Српска не го загрозува мирот во БиХ, ситуацијата е стабилна, нагласи претседателот на Република Српска Милорад Додик, посочувајќи дека се друго е лага.
Тој се опишува себеси како легалист и се залага за Дејтонскиот мировен договор, додека другата страна води кампања против правниот и уставниот поредок во БиХ.
Во интервју за „Џерусалим пост“, Додик нагласи дека Република Српска никого не се заканува и не загрозува.
„Ситуацијата во БиХ е стабилна и безбедноста и мирот не се загрозени од наша страна. Ве уверувам дека нема закана за мирот или Дејтонскиот мировен договор од наша страна и сите такви обвинувања се апсолутна лага“, нагласи Додик.