Американскиот претседател Доналд Трамп изјави дека е можно Русија и нејзиниот претседател Владимир Путин да го „одолговлекуваат“ мировниот договор со Украина.
– Мислам дека Русија сака да стави крај на тоа, но тие можеби одолговлекуваат, рече Трамп во интервју за Newsmax во вторникот, додавајќи дека тој самиот „го правел тоа со години“ за време на неговата деловна кариера.
Трамп рече дека верува оти Русија сè уште би сакала да заврши конфликтот во Украина и дека украинскиот претседател Володимир Зеленски исто така би сакал војната да заврши во овој момент.