Фудбалерот на Ливерпул Мохамед Салах е прогласен за најдобар играч во Премиер лигата за февруари, објави денеска веб-страницата на натпреварувањето.
Салах (32) во февруари на шест натпревари во Премиер лигата постигна шест гола и даде четири асистенции. Ливерпул во тој период забележа четири победи и две нерешени.
Египетскиот фудбалер по седми пат ја освои наградата за играч на месецот, бројка која ја имаа само Кун Агуеро и Хари Кејн.