Русија: Продолжуваме со брз напредок во Курск

Од:

Руската војска соопшти дека го вратила селото Гончаровка во руската област Курск, што е најнов пример за брзо напредување на Москва во областа што украинските сили ја окупираа летото 2024 година.

Руското Министерство за одбрана објави во соопштение дека руските војници ја „ослободиле“ Гончаровка на периферијата на Суџа, град во Курск за кој Русија тврди дека го презела од украинската војска еден ден претходно. Киев не ги коментираше тврдењата.

Рускиот претседател Владимир Путин оваа недела и нареди на својата војска да ги протера украинските војници од руска територија „што е можно поскоро“. Ова е услов што тој го смета за клучен пред какви било мировни преговори.

„Следните чекори“ кон прекин на огнот и мир во Украина ќе зависат од успехот на неговата војска во протерувањето на украинските војници од Курск, предупреди тој во четвртокот.

Украина започна офанзива во областа Курск во август 2024 година како одговор на нападот на Москва на нејзина територија во февруари 2022 година.

Киев на тој начин се надеваше дека ќе ја принуди Русија да ги пренасочи своите трупи од другите делови на фронтот и да ја искористи оваа област како средство за пазарење во случај на мировни преговори.

Но, во последните денови, украинските војници мораа брзо да се повлечат по рускиот пробив.

Би можело да ве интересира

Лукашенко: Ако Белорусија треба да избере, ќе застане на страната на Русија

Русија негира дека Келог бил исфрлен од преговорите на нивно барање

Вашингтон пост: Путин сака да ја контролира Украина

Руте повика на нормализација на односите со Русија

САД тајно ги заоструваат санкциите против Русија

Зеленски: Руските услови за прекин на огнот покажуваат дека сакаат војната да продолжи