Претседателот на Република Српска, Милорад Додик им се обрати на медиумите во Бања Лука откако обвинителството на Босна и Херцеговина утринава издаде налог за негово апсење. Милорад Додик истакна дека денеска е посебен ден.
„Тоа е посебно за мене бидејќи денес ми е роденден“, рече Додик, додавајќи дека од Сараево добил „честитка“ во форма на налог за апсење.
– Овде пишува дека итно не бараат, како да сме Ал Каеда, ова е свечен ден затоа што се започнати процедури за промена на Уставот, рече Додик и ги повика сите да учествуваат во јавната расправа за новиот Устав на Република Српска.
„Нашата цел не е да бидеме против Уставот на БиХ, туку во согласност со него“, рече тој.
„Ова денес е политички мотивирано, во законот на БиХ нема кривично дело за кое можат да ни обвинат. Не сум вознемирен и никогаш нема да ја напуштам Република Српска. Ако некој мисли дека сме кукавици, многу се лаже“, рече Додик.
Тој додаде дека не се вознемирени и дека нема потреба од загриженост.
„Ниту ние не сме вознемирени, ние сме решени. Она што е вознемирено е некоја секта што трча низ Бања Лука, ги храни медиумите во Сараево и се однесува предавнички. Но, тоа само докажува дека сме слободно и демократско општество“, рече тој.
„Мојата порака е – не само претерувајте. Разберете го како сакате“, додаде Додик, најавувајќи дека Народното собрание на Република Српска денеска го усвојува новиот закон за специјално обвинителство и суд кој ќе го штити уставниот поредок.
„Нема удар што не сум подготвен да го носам за Република Српска. Ќе ја работам мојата работа и ќе патувам, но никогаш нема да ја напуштам Република Српска“, заклучи тој.
Додик рече дека не сака ескалација, но дека биле принудени на тоа.
„Ова не е одбрана на поединец, туку на републиката. Верувам дека ја имам поддршката од граѓаните и ги повикувам да ни дадат уште поголема поддршка“, рече тој, додавајќи дека „поединците немаат право на утеха кога Република Српска е загрозена“.
Додик изјави дека политичката ситуација за неколку месеци ќе изгледа како распад на Југославија. Посочи дека ако некои мислат дека решението е дека „би сакале да го видат Милорад Додик со лисици на рацете, тоа не значи дека можат ништо“.