Унгарскиот премиер Виктор Орбан денеска изјави дека Унгарија три години се бори да остане надвор од војната и дека напуштањето на таа позиција „сега кога Американците конечно“ ја делат позицијата на Будимпешта би било еднакво на злосторство.
„Три години се бориме против меѓународни напади за да не бидеме вовлечени во војна“, рече Орбан на форумот за економска политика организиран од Унгарската стопанска комора (МЦМС), пренесе МТИ.
Тој посочи дека Унгарија не испраќала оружје или пари, освен за хуманитарни цели.
„Да се откажеме од тоа во последен момент, без оглед на притисокот, би било грешка“, додаде тој.
Орбан рече дека унгарската економија изгубила 20 милијарди евра од почетокот на војната во Украина пред три години.