Шпанскиот тенисер Карлос Алкараз ја освои титулата на АТП турнирот во Ротердам, откако во финалето го совлада Австралиецот Алекс Де Минор со резултат 2:1 (6:4, 3:6, 6:2). Во мечот кој траеше речиси два часа, Алкараз го победи Де Минор по трет пат во кариерата и ја освои својата прва титула во сала, вкупно 17-та во кариерата.
Carlos’ INCREDIBLE touchdown 😮💨🏆@carlosalcaraz captures his first ever indoor title! @abnamroopen | #abnamroopen pic.twitter.com/GN0zuH5T1p
— ATP Tour (@atptour) February 9, 2025
Шпанецот по голема борба успеа да го освои првиот сет. Направи брејк во третиот гем, но Де Минор возврати во осмиот за израмнување на 4:4. Сепак, Австралиецот не успеа да го потврди брејкот, бидејќи Алкараз го зеде следниот гем, по што славеше со 6:4 и на тој начин поведе со 1:0.
Де Минор одигра многу подобро во вториот сет, во кој направи само еден брејк, но тоа беше доволно за да победи со 6:3 и со тоа да го израмни мечот. Сепак, сета своја доминација Алкараз ја покажа во последниот трет сет, победувајќи со 6:2 и со тоа освои нова титула во кариерата.
Шпанецот на тој начин го симна од тронот Јаник Синер, кој минатата година славеше во Ротердам.