Украинскиот претседател Володимир Зеленски денеска изјави дека Украина ќе ја загуби армијата доколку воената состојба биде суспендирана за избори, а Русите потоа ќе го искористат тоа.
Зеленски во интервју за британската телевизија ITV News изјави дека сите сакаат војната да заврши и да се одржат избори и дека не се плаши од нив.
„Додека војната трае, нашето население е, сепак, против избори, бидејќи сите разбираат што ќе се случи. Ќе мораме да ја укинеме или суспендираме воената состојба, а ако го сториме тоа ќе ја изгубиме армијата“, рече Зеленски, додавајќи дека Русите би биле среќни поради тоа, пренесува „Украинска Правда“.