Северна Кореја од денеска ќе започне со производство на беспилотни летала со техничка помош од Русија, објави јапонската јавна телевизија NHK, повикувајќи се на неименувани извори.
Договорот ќе и овозможи на Северна Кореја да развие и масовно да произведува неколку видови беспилотни летала во координација со Русија, пренесува NHK.
Според неименувани, добро информирани извори, иницијативата за производство на беспилотни летала најверојатно претставува спроведување на стратешка соработка договорена за време на средбата меѓу рускиот претседател Путин и севернокорејскиот лидер Ким Џонг-ун, пренесува NHK.
Артем Лукин од Далечниот источен федерален универзитет во Русија претходно за Ројтерс изјави дека договорот меѓу Русија и Северна Кореја е всушност воен сојуз, прв руски одбранбен договор со земја надвор од постсоветскиот простор.
Стратешкиот договор што го договорија Путин и Ким ја опфаќа трговијата, инвестициите, политичката и безбедносната соработка.