Американскиот претседател Доналд Трамп изјави за Кејтлан Колинс на Си-Ен-Ен дека му наредил на Илон Маск да прегледа „речиси сè“, вклучително и трошоците за Пентагон и образованието.
„Дали му наложивте на Илон Маск да ги прегледа трошоците на Пентагон, имајќи предвид дека тоа е најголемата дискрециона ставка за трошење, прашал новинарот на CNN за време на прес-конференцијата на Трамп со јапонскиот премиер?
„Да, вистина е“, рече Трамп.
„Пентагон, образование, речиси сè. Ќе прегледаме сè, бидејќи ситуацијата низ која штотуку поминавме беше ужасна“, рече претседателот.
„Беше многу, многу жално. Го натерав да го провери образованието, да го провери Пентагон, кој ја претставува војската. И, знаете, за жал, ќе најдете некои прилично лоши работи“, продолжи Трамп.
CNN објави дека помалку од една третина од федералниот буџет за фискалната 2024 година е дискреционо трошење, кое Конгресот го одобрува на годишна основа. Речиси половина од дискреционото трошење оди на програми за одбрана.