Во близина на метро станицата Клемансо во Брисел утринава избувна престрелка, што предизвика прекин на линиите на метрото и трамвајот во главниот град на Белгија.
„Имаше пукање. На снимките од надзорните камери се гледа како осомничените бегаат кон метро станицата Клемансо“, изјави Сара Фредерик, портпаролка на бриселската јужна полиција.
Во престрелката нема жртви, но полицијата соопшти дека осомничените можеби се во тунелите на метрото, но линиите на метрото се затворени од безбедносни причини, пренесува порталот Политико.
Компанијата СТИБ, операторот на метрото, објави дека се затворени станиците Миди, Делакроа и Клемансо, а во близина на Европскиот парламент се прекинати две линии на метрото.
