Унгарскиот премиер Виктор Орбан денеска изјави дека рускиот претседател Владимир Путин, за разлика од Брисел, секогаш ги одржувал ветувањата, додавајќи дека Унгарија во иднина може да и верува на Русија бидејќи блиската соработка со Москва е во геополитички интерес на Будимпешта.
„Кога требаше да се вратам на власт во 2009 година, се сретнав со Путин и се договоривме дека ќе се фокусираме на иднината. Ми беше јасно дека добрите односи со Москва и блиската економска соработка се во интерес на Унгарија“, рече Орбан, додавајќи дека склучиле многу договори и дека Путин секогаш го одржувал зборот.
Унгарскиот премиер во интервју за швајцарскиот весник Ноје Цурхер Цајтунг додаде дека искуството од изминатите 15 години покажува дека Унгарија може да и верува на Русија.