Високиот функционер на Советот на Руската Федерација Владимир Џабаров вели дека планот на Трамп за решавање на конфликтот во Украина за 100 дена, кој беше објавен во американските медиуми, не ја зема предвид позицијата на Москва.
„Не треба сериозно да се сфатат бројните гласини во западните медиуми во врска со решавањето на украинскиот конфликт, вклучително и наводниот документ на Трамп објавен од американските медиуми, кој зборува за временска рамка од 100 дена“, изјави Џабаров .
Според Џабаров, овој план воопшто не ја зема предвид позицијата на Русија, туку напротив, претпоставува натамошна вооружена поддршка за режимот во Киев, без меѓународно признавање на уставните територии на Русија.
Како што додаде, позицијата на Трамп ќе се знае подоцна, а малку е веројатно дека тој ќе биде значително под влијание на дезинформациите од западните медиуми.
Џабаров истакна дека најважно за Русија е да ги брани условите поставени од рускиот претседател Владимир Путин, а не да бара разбирање од САД.