Американскиот претседател Доналд Трамп изјави дека може да воведе нови санкции против Русија доколку нејзиниот претседател Владимир Путин одбие да преговара за крај на војната во Украина.
Трамп не даде детали за можни дополнителни санкции, но потсети дека САД веќе воведоа „строги санкции“ кон Русија за нејзината инвазија на Украина во февруари 2022 година, објави Ројтерс.
Трамп исто така, рече дека неговата администрација размислува да испрати оружје во Украина, нагласувајќи дека Европската Унија треба да направи повеќе за да ја поддржи Украина.