Американскиот претседател Џо Бајден најави дека им ја ублажува казната на 37 од 40-те лица кои се осудени на смрт, претворајќи ги нивните казни во доживотен затвор.
Одлуката доаѓа само неколку недели пред новоизбраниот претседател Доналд Трамп да ја преземе функцијата, кој е познат како отворен поборник за проширување на смртната казна.
Овој потег обично се однесува на убиства на полициски и воен персонал, луѓе вклучени во смртоносни грабежи на банки или зделки со дрога и убиства на чувари или затвореници во федералните објекти.
Тоа значи дека само тројца федерални затвореници сè уште се соочуваат со егзекуција.
„Ја посветив мојата кариера на намалување на насилниот криминал и обезбедување фер и ефикасен правосуден систем“, рече Бајден.
Тој рече дека овие промени се во согласност со мораториумот што оваа администрација го наметна на федералните егзекуции и се однесуваат на други случаи освен за тероризам и масовни убиства мотивирани од омраза.
Додека се кандидираше за функцијата во 2020 година, во кампањата Бајден рече дека тој „ќе работи на донесување закон за укинување на смртната казна на федерално ниво и ќе ги охрабри државите да го следат водството на федералната влада“.