Во Клиничката болница-Штип утрово почина 59 годишниот Данчо Петров кој минатиот четврток со нож до смрт ја избоде неговата сопруга, Соња Петрова, кај Домот на културата во Штип.
По извршените операции во текот на ноќта, здравствената состојба на Петров се влошила.
Началникот на Одделението за Интензивна нега во Клиничка болница-Штип, Билјана Ефтимова информира дека на денот на приемот кај пациентот е констатирано дека самиот си нанел убодни рани и оти се пробиени дел од внатрешните органи.
Ефтимова посочи дека врз телото на Петров ќе биде извршена обдукција. Инаку, мотивот за убиството и обидот за самоубиство од Петров се брачни несогласувања.
