(ВИДЕО) Кузмановска: ВМРО-ДПМНЕ се обидува да ги стави под контрола средношколците

Од:

Без јавна расправа, власта ги турка измените на Законот за средно образование, со кои директно се кршат правата на средношколците да се организираат и претставуваат како единствена сила, изјави Стефанија Кузмановска, потпретседателка на СДММ.

„Во законските измени, во делот на ученичко организирање, избришан е Сојузот на студенти – единственото тело кое ги обединува средношколците на национално ниво и се залага за нивните интереси. Со тоа буквално ја затвораат секоја можност средношколците да се борат за себеси.

Им се одзема гласот. Им се одзема правото да одлучуваат. Кому сметаат здружени и силни? Овие законски измени го нарушуваат основното право да бидеме дел од демократските процеси во нашето општество. А, тоа многу нè потсетува на едно друго време, на еден режим и контрола врз образованието, кога бевме принудени да се организираме преку пленуми за да си ги одбраниме правата.

Отстранувањето на Сојузот на средношколци е само дел од пакетот штетни измени на законите за образование, кои оваа власт ги турка по брза постапка. Овие измени се спротивни и на препораките на УНИЦЕФ, кои бараат системски и континуирани решенија за надминување на бариерите и создавање функционална поддршка за децата со попреченост.

Зошто вакви суштински важни законски измени се туркаат на „брза лента“, без јавна дебата? На одржување јавна дебата апелира и Комисијата за спречување и заштита од дискриминација. Образованието мора да биде натпартиска и надетничка тема. Затоа, Социјалдемократската младина на Македонија, апелира да се прекине со носење инстант решенија, кои се на штета на учениците.

Образованието е тема за која е потребен консензус, јавна дебата и широки консултации. Се работи за нашата иднина, не сакаме да се враќаме назад! Ние бараме квалитетен и модерен образовен систем, каде секој има право на глас, каде секој е заштитен и каде образованието е ослободено од дискриминација и политички притисоци, изјави Кузмановска.

Би можело да ве интересира

(ВИДЕО) Бочварски до Кочовска: Не прифаќате да се зголеми минималната плата – работниците ви се на последно место

Горан Наумовски

СДСМ: МВР имала поставено контрола кај Блаце, но откако избегал Груби им кажале кого треба да стопираат

Катерина Ѓуровски

СДСМ: Кошничката е измама, инфлација од 4,3% во ноември покажувата дека цените веќе се покачени

Коњановски: Епскиот криминал кој се случувал во електроенергетскиот систем бил помогнат од раководството на СДС

Горан Наумовски

ВМРО-ДПМНЕ: Кога СДСМ беше на власт 500.000 македонски граѓани беа на работ на сиромаштијата

Горан Наумовски

(ВИДЕО) Костова: Созреана е потребата од 500 евра минимална плата во 2025 година