Поглаварот на Римокатоличката црква, папа Франсис на церемонијата на плоштадот свети Петар објави дека неговите претходници папа Јован Павле II и Јован XXIII, идната година на 27-ми април ќе бидат прогласени за светци.
Двајцата поранешни папи кои се сметаат за едни од највлијателните личности на Римокатоличката црква, ќе бидат канонизирани на заедничка церемонија во Ватикан.
Набљудувачите оваа церемонија, која што не е вообичаена, две лица истовремено да бидат прогласени за светци, ја гледаат како обид за прекин на традиционалната поделба на лево и десно ориентирани во црквата.
Елена Георгиевска