Силното невреме што ја зафати Грција направи катастрофа на Халкидики. На социјалните мрежи се појави видео од последиците од невремето, по што многу згради останаа со вода. Бројот на жртвите од невремето во Грција се искачи на три.
Маж е пронајден мртов денеска на полуостровот Халкидики, откако неговото возило се превртело поради лизгање на земјиштето и слетало во канал, објави весникот „Катимерини“.
Уште две лица го загубија животот за време на викендот во невремето што го погоди островот Лемнос во северниот дел на Егејското Море.
Поројниот дожд и невремето предизвикаа значителни штети на Халкидики, особено на Ситонија, каде се поплавени куќи, подруми и продавници, а патиштата беа непроодни поради одрони.
Rodos, Yunanistan
— ─ Yakup ─ (@KarakasYakup) November 30, 2024
Невремето предизвика штети и на Родос, каде што беше урнат мост во одморалиштето Фалираки, а оштетени се куќи и продавници на брегот, пренесе Ројтерс.
На Родос и Лемнос е прогласена вонредна состојба со одлука на генералниот секретар на Министерството за климатски кризи и цивилна заштита, по барање на градоначалниците на двата острови. Почна и формирањето на комисии за проценка на штетите од невремето Бора.
Што се однесува до Родос, на барање на градоначалникот Александрос Колиадис, општината официјално прогласи вонредна состојба во понеделник попладне од страна на генералниот секретар за цивилна заштита, Василиос Папагеоргиу. Важно е да се напомене дека во саботата Родос ја доживеа најголемата поплава во својата историја.
Severe flooding in Limnos Island, Greece today due to heavy rain
November 30, 2024 #flood #inundación #inondations #Greece #Limnos #Lemnos #alluvione pic.twitter.com/gAyIfk1E8r— Disasters Daily (@DisastersAndI) November 30, 2024
Според изјавите на гувернерот на Јужен Егеј, Јоргос Хацимаркос, жителите на Родос во саботата имале исклучително тешка ноќ.