Менаџерот на англискиот првак Манчестер Јунајтед не верува дека неговиот тим има сили оваа сезона да ја освои Лигата на шампионите.
– За триумф во елитното натпреварување треба да имате 5-6 светски играчи. Таков е случајот со Баерн Минхен, Барселона, Реал Мадрид, но не и со Манчестер. Тоа што ние имаме е неколку играчи кои се блиску до најдобрите или се наоѓаат во таа категорија и повеќе играчи со акумулирано искуство, изјави Дејвид Мојс.
Манчетсер Јунајтед лошо ја започна сезоната во Премиер лигата со три порази во шесте одиграни средби и во моментов се наоѓа на 12.место со осум бодови заостанување зад лидерот Арсенал.
Во Лигата на шампионите тимот предводен од Мојс стартуваше со победа, а в среда во 2.коло игра против Шахтјор Доњецк во Украина.