Министерот за здравство Арбен Таравари денес ја прими вакцината против сезонски грип во Институтот за јавно здравје, каде е пунктот за вакцинирање здравствени работници.
– Оваа превентивна мерка за заштита на здравјето ја препорачувам и како министер и како здравствен работник, бидејќи сметам дека секој треба да се заштити од потешки форми и компликации од сезонскиот грип, рече Таравари.
Вакцината против сезонски грип е бесплатна за ризичните групи население, повозрасни од 65 години, здравствени работници, хронично болни, бремени жени и деца од шест месеци до пет години.
