Поранешниот американски претседател Доналд Трамп денеска одби да каже дали разговарал со рускиот претседател Владимир Путин по завршувањето на неговиот мандат во 2021 година.
Одговарајќи на прашање на новинар на Блумберг во Чикаго, Трамп во исто време рече дека ќе беше паметно ако го направеше тоа, пренесе Ројтерс.
„Ако го направив тоа, тоа беше паметна работа“, рече Трамп.
Во новата книга на новинарот на Вашингтон пост, Боб Вудворд, „Војна“ се наведува дека Трамп, кој е и републикански кандидат на претседателските избори во САД на 5 ноември, разговарал со Путин во неколку наврати откако тој ја напушти Белата куќа во јануари 2021 година.