Златан Ибрахимовиќ за роденден се почести со нов автомобил. Како и секоја година, на социјалните мрежи објави фотографија од својот нов миленик, заедно со кратка порака: „Златан, среќен роденден“.
Ибрахимовиќ си купи Ferrari SF90 Stradale и не постои комерцијален автомобил од тој производител со побрзо забрзување. Станува збор за plug-in хибриден автомобил, кој има батерија со поголем капацитет од хибрид и се полни од надворешен извор на електрична енергија (домашен приклучок или наменски ѕидни кутии за полначи).
Според груби пресметки, цената на новиот автомобил на Ибрахимовиќ е околу 470.000 евра.
Има 1.030 коњски сили и 530 килограми потисна сила при брзина од 250 километри на час. Исто така, во согласност со насловот на последната книга на Златан „Адреналин“, ова Ферари е дизајнирано за целосно адреналинско искуство, со познатиот звук на моторот V8 на Ферари, покрив кој се отвора и се повлекува за 14 секунди…
Од неговиот 40-ти роденден, Златан секоја есен си купува нов автомобил, а Ферари не му е прв избор.