Израелските одбранбени сили (ИДФ) соопштија дека го елиминирале Хасан Халил Јасин, уште еден висок припадник на Хезболах.
„ИДФ елиминираше висок терорист од разузнавачката хиерархија на Хезболах кој беше одговорен за идентификување цивилни и воени цели на северната граница и длабоко во израелската територија“, се вели во соопштението.
Јасин наводно бил убиен во воздушен напад врз Дахије, јужно предградие на Бејрут.
„Како дел од својата улога, Јасин интензивно соработуваше со сите офанзивни единици на Хезболах. Тој лично беше вклучен во планирањето на терористички напади кои беа извршени против израелските цивили и војници, а планираше и дополнителни напади кои требаше да се извршат во следните денови “, нагласија Израелците.