Израелските напади врз Либан имаат за цел да го подготват теренот за можен влез на војници и да продолжат да го деградираат Хезболах, изјави командантот на израелската армија Херзи Халеви пред израелските војници, мислејќи на можна израелска копнена инвазија на Либан.
„Ова е, исто така, подготовка на теренот за вашиот можен влез во Либан и продолжување на деградацијата на Хезболах“, рече тој пред израелската армија.
„Денеска Хезболах ги прошири своите напади, а подоцна денеска тие ќе добијат многу силен одговор. Подгответе се. Денеска ќе продолжиме, нема да застанеме, ќе продолжиме да ги удираме насекаде. Целта е многу јасна, безбедно да се вратат Израелците на северот на земјата“, додаде тој.