Украинскиот претседател Володимир Зеленски пристигна во САД, каде на својот американски колега Џо Бајден и сојузниците ќе им ги претстави деталите од неговиот мировен план, опишан како „план за победа“, чија цел е да се стави крај на руската инвазија на неговата земја.
This fall will determine the future of this war. Together with our partners, we can strengthen our positions as needed for our victory—a shared victory for a truly just peace.
Right now, the legacy of the current generation of world leaders is being shaped—those in the highest… pic.twitter.com/ji2dZ6cAgR
— Volodymyr Zelenskyy / Володимир Зеленський (@ZelenskyyUa) September 22, 2024
„Пристигнавме во САД. Главната цел е да ја зајакнеме Украина и да го заштитиме целиот наш народ. Оваа војна може да заврши само со праведен мир преку меѓународни напори. Планот за победа на Украина ќе биде на масата на сите наши сојузници“, објави Зеленски на социјалната мрежа Х.
Во видео порака од својот авион тој посочи дека пред Њујорк и Вашингтон оди во Пенсилванија – на „специјална посета“.
„Оваа есен ќе одлучи за иднината на војната“, нагласи тој, додавајќи дека американскиот претседател Бајден ќе биде првиот што детално ќе ги види украинските предлози за завршување на војната со Русија.
Неговото патување доаѓа во време на претседателската кампања во САД и се совпаѓа со Генералното собрание на Обединетите нации закажано за оваа недела во Њујорк, а Зеленски се очекува повторно да се обиде да го убеди Бајден да му дозволи на Киев да нападне цели во Русија со западно оружје со долг дострел. тој вели дека тоа може да го промени текот на војната.
Русија во саботата објави дека нема да учествува на вториот самит за Украина што Киев го посакува во ноември, по првото издание во Швајцарија.
„Самитот ќе ги има истите цели: да ја промовира илузорната формула на Зеленски за каква било основа за решавање на конфликтот, да ја добие поддршката од мнозинството од светот и да ја искористи за да и даде на Русија ултиматум на капитулација“, изјави портпаролката на руската дипломатија Марија Захарова.
Додека Киев стои на своето барање за „праведен“ мир со кој руските трупи ќе ги напуштат меѓународно признатите граници на земјата, вклучувајќи го и полуостровот Крим, Москва има намера само да проучува „сериозни предлози“ кои ќе ја земат предвид „ситуацијата на теренот ја одразува геополитичката реалност“.