Бројот на жртвите во серијата пејџер експлозии што ги користеа членовите на Хезболах во Либан се искачи на девет, а меѓу нив е и син на либански пратеник.
Се стравува дека тоа не е конечната бројка, имајќи предвид дека повеќе од 200 повредени се во критична состојба, соопшти Министерството за здравство на Либан, пренесе Би-Би-Си.
Речиси 3.000 луѓе се повредени во експлозиите, објави Ројтерс.
Хезболах го обвини Израел за експлозиите, велејќи дека тоа е „грешна агресија“ и најави дека ќе следи „праведен одговор“. Израел не се огласи и никој од официјалните лица не ги коментираше настаните од попладнево во јужен Либан.