Жителите на неколку полски и чешки региони беа евакуирани во последните денови, а други во централна Европа почнаа да ги расчистуваат своите населби по најголемите поплави во повеќе од две децении, кои зад себе оставија пустош и се повеќе мртви.
Пограничните области меѓу Чешка и Полска викендов беа силно погодени од екстремно обилни дождови кои предизвикаа поројни поплави кои однесоа некои мостови, принудувајќи ги жителите да се евакуираат и оштетија автомобили и куќи.
Најмалку 17 лица загинаа во поплавите од Романија до Полска во последните неколку дена.
Седум села во Тулнерфелд беа евакуирани поради поплавите во Долна Австрија во понеделникот и во текот на ноќта во вторникот. Црвениот крст постави привремено сместување во саемскиот центар во Тулн, со капацитет до 1.000 луѓе. Утрово, според Соња Келнер од Црвениот крст, таму имало 325 лица, додека во текот на ноќта околу 450.
Оваа институција ќе остане во функција се додека е потребно, потврди Келнер.
Lewin Brzeski, całe miasto do ewakuacji!
Oznacza to przemieszczenie się fali w stronę Odry. To kolejne fatalne informacje dla Wrocławia…
Dramat ludzki… 💔#Powodź pic.twitter.com/buEZ2eF92l
— Mati (@FremdenlegionPL) September 16, 2024
Јужна Полска продолжува да се бори со разорните поплави. Ситуацијата е критична во Нисе, во областа Ополе. Поради опасност од пукање на насип градоначалникот ги повика жителите веднаш да се евакуираат. На интернет се појавуваат фотографии и видеа од акцијата за крпење на насипот.
Според локалните служби, во текот на ноќта од понеделник кон вторник, 76 хидрометеоролошки станици, главно во југозападниот дел на Полска, ги надминале нивоата на тревога, додека дополнителни 40 ги надминале нивоата на предупредување.