Бурата Борис ја опустоши Источна и Централна Европа. Според последните податоци, најмалку седум лица загинаа по најсилните дождови во последните години што ја погодија Европа.
Едно лице загина во областа Клоѓко во југозападна Полска, објави Ројтерс, а еден пожарникар загина во акција во Австрија, потврди за Си-Ен-Ен портпаролот на противпожарната служба во регионот Долна Австрија.
⚠️🇵🇱 | FLOOD WARNING:
📍 Nysa, Wrocław, and Głuchołazy, Poland
– Date:September 14th, 8:00 AM
– Situation:Water levels at Lake Nyskie identical to 1997 flood forecast
– Warning: River water levels critically high,flooding expected#powódź #Powodź #deszcz #wielkawoda2 #żywioł pic.twitter.com/d9xqZx1SY9— Weather monitor (@Weathermonitors) September 14, 2024
Во Романија загинаа пет лица, а стотици останаа заробени во поплавените подрачја. Околу 15.000 луѓе од 5.000 домаќинства немаат каде да преспијат бидејќи нивните домови се поплавени.
Спасувачките служби реагираат во тешко погодените области, а властите предупредуваат дека ова е најсилниот дожд во последните 100 години за 24 часа.
Реките се излеаја од коритата во Полска и Чешка. Во југозападна Полска, 1.600 луѓе се евакуирани во областа Клоѓко, бидејќи локалните реки достигнале рекордно високи нивоа на вода која се излеаа од коритата. Клоѓко, град со 25.000 жители, денеска остана делумно потопен во вода.
BREAKING 🚨🚨🚨
Disastrous flood in Poland causes massive damage.
First victim reported. Thousands evacuated. Emergency services deployed, more rain expected.
The hardest situation is in Kłodzko, Międzygórze and Głuchołazy. #flood2024#Flooding#poland #Powodź #Kłodzko pic.twitter.com/avN0C3BpKV
— LukaBlack (@14Lukasz02) September 15, 2024
Премиерот Доналд Туск изјави за новинарите во неделата дека ситуацијата е „многу драматична“ и „најдраматична во областа Клоѓко“.
Во Австрија обилните врнежи предизвикаа подигнување на нивото на реките, а спасувачките служби интервенирале во делови од земјата. Многу општини во Долна Австрија прогласиле вонредна состојба бидејќи обилните дождови продолжија и денеска.
Исто така, највисокото ниво на предупредување, црвена тревога, е издадено за делови од Полска, Германија, Чешка, Австрија и Словачка. Ова ниво на предупредување е поврзано со „интензивни метеоролошки феномени“ и „можни големи штети“.