Радев: Бугарија отсекогаш била отворена за дијалог со Македонија

Од:

Бугарија отсекогаш била отворена за дијалог со Република Северна Македонија и очекувам овој дијалог да придонесе кон нашето културно зближување, но и да ја поттикне економската соработка. Очекуваме Северна Македонија да ги исполни сите свои обврски и кон нас и кон Европската Унија, изјави денеска претседателот на Бугарија Румен Радев пред средбата со претседателката на Северна Македонија Гордана Сиљановска Давкова, која е во официјална посета на Бугарија.

Според Радев, Владата на Северна Македонија сè уште не ја напуштила изборната реторика.

-Владата на Република Северна Македонија сè уште не ја напуштила изборната реторика. Потребно е да се вратиме во реалноста, Нашите односи ќе зависат од склучените договори, изјави Радев.

Тој потенцира дека ангажманот на раководството на Северна Македонија во врска со Коридорот 8 ќе биде јасен индикатор за вистинските европски амбиции на Северна Македонија и за поголема поврзаност во регионот.

-Очекувам дека изразената желба за дијалог и разбирање од страна на претседателката Сиљановска Давкова ќе остане како доследна политика на владата на Северна Македонија. Ние строго ќе го следиме протоколот. Време е и за мојата официјална посета на Република Северна Македонија, посочи Радев.

На прашање дали веќе има таква покана, Радев одговори дека во врска со ова прашање ќе се разговара со претседателката на Северна Македонија.

Би можело да ве интересира

Од 1. јануари во Бугарија само со евра

Катерина Ѓуровски

Бугарите протестираат против воведувањето на еврото: „Сиромашните се плашат дека ќе станат уште посиромашни“

(ВИДЕО) Матурантка во Бугарија на прославата пристигна во багер, со трубачи

А1он

Засега нема пристигнато барање од Румен Радев за средба со Сиљановска Давкова, вели Мицкоски

Мицкоски: За време на Хашкиот самит во НАТО да има билатерална средба помеѓу претставниците од кај нас и од Бугарија

Претседателот предложи, а бугарскиот парламент го одби референдумот за еврото

А1он