Полицијата доцна синоќа извести дека привела десетици лица по фудбалскиот натпревар меѓу Хрватска и Полска што се одигра во Осиек. Како што се наведува во соопштението, по натпреварот неколку десетици странски навивачи прво ги нападнале локалните навивачи, а потоа се судриле со полицијата.
Сега полицијата објави детално соопштение за конфликтот:
„Вчера во 20:45 часот на стадионот „Опус арена“ се одигра Лигата на нации на УЕФА меѓу репрезентациите на Хрватска и Полска. Натпреварот го следеа 12.612 гледачи, од кои 650 беа гостински навивачи.
Пред, за време и по натпреварот постапено е кон 77 лица.
Пред, за време и по натпреварот евидентирани се четири инциденти на нарушување на јавниот ред и мир, за кои кривично се гонети 73 лица, од кои 67 полски државјани. Исто така, четири прекршоци од чл. 4 од Законот за спречување на нарушувања на спортските натпревари, за што се гонети четири лица, од кои тројца полски државјани.
Во два инциденти, полициски службеници употребиле присилни средства против двајца хрватски државјани и 67 полски државјани. Едно кривично дело од чл. 315 од Кривичниот законик „Напад врз службено лице“ за што е осомничен полски државјанин. Во тој инцидент полесно е повреден полицаец.
Во настаните се повредени вкупно шест лица, од кои едно лице е тешко повредено на неутврден начин (четворица полски државјани се полесно повредени и еден полицаец, додека еден полски државјанин е тешко повреден). Полициските службеници брзо восшпоставиле поволна состојба и спречено е натамошно нарушување на јавниот ред и мир и евентуални други повреди“.