Видео од изнемоштен штрк кој паѓа на земја и колабира поради топлото време беше објавено на социјалната мрежа Фејсбук на страницата за Хуманитарни акции во Македонија.
На видеото се гледа како еден од жителите му дава вода на штркот и го прска по телото, по што тој се освестува. Спасувачот на штркот, според објавата, е Мики Станојковиќ од Богородица, гевгелиско.
„Апел до сите да оставаат канчиња каде што нема река, извор или чешма“, се вели во објавата на Фејсбук.
