Грчкиот премиер Киријакос Мицотакис денеска на состанок на неговиот кабинет предупреди дека Грција ја чека опасно лето поради шумските пожари, продолжената суша и невообичаено силните ветрови кои придонесуваат за ширење на пожарот.
„Имавме исклучително тежок јуни во однос на временските услови, со силна суша и невообичаено силен ветер за овој период од годината. Сакам да им се заблагодарам на сите што направија одлична работа во последните неколку дена, но и да го свртам вниманието на сите нас назад кон летото кое се предвидува да биде особено опасно“, рече Мицотакис, пренесува Катимерини.
Firefighters are battling a series of wildfires near the Greek capital Athens as the country faces a tough wildfire season. #Greece #Wildfires #Athens #WorldNews pic.twitter.com/O6XGCZWabv
— News18 (@CNNnews18) July 1, 2024
Шумските пожари се вообичаени во Грција, а топлото, суво и ветровито време, кое научниците го припишуваат на ефектите од климатските промени, ја зголеми нивната фреквенција и интензитет.
Само викендов десетици пожари избувнаа низ Грција, вклучително и два во близина на главниот град Атина.
#BREAKING #GREECE #GRECIA #ATTICA
🔴 GREECE :📹 ONGOING! MASSIVE WILDFIRE 💔 IS THREATENING RESIDENTIAL AREAS IN STAMATA COMMUNE IN ATTICA REGION, DIONYSOS MUNICIPALITY #LoULTIMO #Stamata #Wildfires #Incendio #Incendie #Σταμάτα #Φωτιά pic.twitter.com/ZhetN6UqGu
— LW World News 🌍 (@LoveWorld_Peopl) June 30, 2024
Мицотакис рече дека во двата пожари изгореле околу 100.000 квадратни метри земјиште и оти штетата е ограничена поради брзата реакција на државната служба за вонредни состојби.
Нови пожари денеска избувнаа на островите Хиос и Кос во источниот дел на Егејското Море, а во гаснењето се вклучени сите расположливи пожарникари.
Грчките служби за итни случаи издадоа наредби за евакуација на жителите од областа Метохии на западен Хиос, повикувајќи ги да се упатат кон блиската плажа, пренесува АП.
Малку појужно, на островот Кос, противпожарната служба соопшти дека 20 пожарникари, хеликоптер и доброволци се борат со пожарот што избувна во централниот дел на островот.