Домашен притвор за родителот од Битола, кој во училница за време на настава натепа ученик и наставничка.
Инцидентот се случи во ОУ „Даме Груев“ Битола, каде што, според полицијата, двајца родители физички нападнале соученик на нивното дете и наставничка додека одржувала час.
Причината за ваквото насилство бил нетрпеливиот однос меѓу две деца.
„На 15.05.2024 во СВР Битола, Р.М.(48) од Битола пријавил дека за време на настава во основно училиште во Битола, неговиот малолетен син бил физички нападнат од Р.Л. и Н.Л., родители на негов соученик.“, велат од СВР Битола.
Од СВР Битола потврдуваат и дека на „родителот Р.Л. му е одреден домашен притвор од 8 дена, и не смее да го напушта својот дом“.