Албански државјанин е уапсен во Македонија на граничниот премин Блаце. При преглед на неговите документи граничните полицајци увиделе дека неговото име се наоѓа на потерница од Интерпол Париз со мерка апси.
„ На 16.05.2024 во 21.55 часот на Граничен премин Долно Блаце, полициски службеници го лишиле од слобода Д.М.(26) од Република Албанија, затоа што по извршени проверки било констатирано дека во оперативната евиденција е со мерка апси по барање на Интерпол – Париз, Франција. “ велат од МВР.
Лицето било спроведено во Полициската станица Кисела Вода за понатамошна постапка.