Центарот за управување со кризи (ЦУК) информира дека во последното деноноќие бил евидентиран еден пожар на отворено вчера во Охрид, и на железничката станица во Гевгелија.
Регионалниот ЦУК Охрид, известува дека пожарникарите од ТППЕ Охрид од 11.10 часот до 12.10 часот, со двајца пожарникари и со едно ПП возило, гаселе запалено стрниште во село Рамне. Регионалниот ЦУК Струмица известува дека пожарникарите од ТППЕ Гевгелија, со едно ПП возило и со двајца пожарникари од 00.30 часот до 1.07 часот, имале интервенција за гаснење на запалено влечно возило, локомотива од воз, на железничката станица во Гевгелија, при што нема повредени лица.
Пожарот е целосно изгаснат. Штетата дополнително ќе се утврдува, појаснуваат од ЦУК.