Националниот фудбалски стадион ќе има околу 52.000 седишта и ќе биде изграден според сите стандарди на УЕФА. Стадионот ќе биде изграден според архитектонскиот проект на Марк Фенвик, а треба да биде готов до крајот на 2026 година.
Подготвителните работи за изградба на објекти за ЕКСПО започнаа во јуни минатата година и, како што претходно беше наведено, се одвиваат според планот.
Изложбата ќе се одржи во Сурчин, во област со одлична сообраќајна поврзаност, меѓу обиколницата Белград и автопатот „Милош Велики“, во близина на аеродромот „Никола Тесла“.
Покрај изложбениот простор за ЕКСПО и Националниот фудбалски стадион, на тој простор ќе бидат изградени и новиот Белградски саем, Центарот за акватика и станбен комплекс со 1.500 станови.
Изложбениот комплекс за самиот ЕКСПО ќе се простира на површина од 25 хектари, а вкупната површина на изложбените капацитети ќе изнесува 230.000 квадратни метри бруто.
Станбениот комплекс е всушност цел град со сите погодности за удобен престој на учесниците на изложбата, а неговата површина ќе изнесува 160.000 метри квадратни.
Покрај другото, предвидена е и изградба на нова брза пруга во должина од 18 километри, на релација Земун поле-аеродром Никола Тесла – локација на ЕКСПО 2027 година.