Во последно време многу се зборува за Килијан Мбапе и неговата иднина со оглед на тоа дека на крајот од сезоната ќе го напушти ПСЖ.
Се зборуваше дека неговиот трансфер во Реал Мадрид е практично усно договорен, но има и такви кои би сакале да го видат во Ливерпул.
Еден од нив е легендарниот француски фудбалер и поранешен играч на Арсенал, Роберт Пирес.
– Би сакал да го видам Мбапе во Ливерпул. Тоа е одличен клуб, семејство, добра структура, без тензии, лојални навивачи… И најважното: Мислам дека комбинацијата на Мбапе-Салах би била вистинска експлозија – изјави Пирес во интервју за шпанските медиуми.
Сепак, останува да се види каков ќе биде исходот на крајот околу еден од најдобрите светски напаѓачи во моментов.