На репрезентативниот собир поради наводна повреда отсуствуваше францускиот фудбалски репрезентативец Килијан Мбапе, иако Французинот настапи на последниот натпревар на Реал пред репрезентативната пауза.
Во исто време додека неговите соиграчи играа натпревар од Лигата на нации против Израел, Мбапе беше во Стокхолм каде се релаксираше со пријателите и уживаше во слободното време.
Kylian Mbappe a été aperçu en discothèque à Stockholm, en Suède, lors d’Israël – France en Ligue des Nations hier soir. 🪩
« Bien manger, bien dormir. » 🙄
(📸 @sportbladet) pic.twitter.com/jY37KYj3n9
— Foot Mercato (@footmercato) October 11, 2024
Фудбалерот на Реал го посети ресторанот Чез Џоли пред да се упати кон ноќниот клуб каде што шведските колеги го „уловија“ на забава.
Во негова одбрана излезе тренерот на триколорите, Дидис Дешам, кој истакна дека има полесна повреда и дека не сакаат да ризикуваат со него.
“Не се сомневам во посветеноста на Килијан за репрезентацијата, но тој не беше во најдобра состојба на последниот собир. Има проблем кој не е сериозен, но му треба третман за целосно да закрепне. Не сакавме да преземеме никаков ризик и затоа Килијан не е тука“, објасни селекторот Дешам за неговото отсуство од националниот тим.
Инаку, триколорите без Мбапе го победија Израел во Будимпешта, беше 4:1, а Французинот ќе се врати на теренот во дресот на Реал Мадрид на натпреварот против Селта Виго на 19 октомври.