Двајца мажи на вораст од 32 и 21 година се уапсени откако жена паднала од третиот кат на зграда во Охрид денеска. Во соопштението на МВР не е прецизирано зошто се уапсени мажите и дали се работи за обид за убиство.
Жената е веднаш пренесена во болница, нема информации за нејзината состојба.
Во соопштението од МВР се вели:
„ Денеска во 11.10 часот, во СВР Охрид е пријавено дека од трети кат на зграда на улицата „Карпош Војвода“ во Охрид, паднала жена која потоа со возило на Итната медицинска помош е пренесена во болницата „Св.Еразмо“ во Охрид. Во врска со настанот, во 11.45 часот, на улицата „Јане Сандански“ во Охрид, лишени од слобода се А.Д.(32) и Е.М.(21) двајцата од Охрид.“
На местото на настанот, увид вршат Јавен обвинител и полициски екипи и се преземаат мери за целосно расветлување на настанот, велат од СВР Охрид.