Авион на „Marathon Airlines“, авиокомпанијата која врши летови за Air Serbia, принудно слета на аеродромот „Никола Тесла“ во Белград со дупка на трупот и оштетено крило, како што може да се види на фотографиите и видеата објавени на социјалните мрежи.
Evo kako je izgledao E-195 reg. OY-GDC kompanije Marathon airlines koji leti za ErSrbiju večeras posle prinudnog sletanja na BEG.😕 pic.twitter.com/crLJURHeDa
— Peđa Vučetić (@Pedjijatar) February 18, 2024
Во авионот во тој момент имало 106 патници, а штетата настанала при полетувањето од белградскиот аеродром кога удрил во светлосната сигнализација на крајот од пистата.
Според неофицијални информации, пишува N1 Србија, причина за инцидентот е краткото полетување кое го извел пилотот и недоволното време леталото да се одвои од пистата за да ја избегне светлосната сигнализација.
Zašto je pilot Embraer-a 195 kompanije Marathon airlines koji leti za Er Srbiju uzeo tako mali zalet?! Zašto toranj nije reagovao?! Jako puno pitanja mi prolazi kroz glavu večeras a ono što je najvažnije da u današnjem incidentu na letu JU324 za Dizeldorf niko nije povređen.🙏✈️… pic.twitter.com/VBJTTu7Jky
— Peđa Vučetić (@Pedjijatar) February 18, 2024
Во оваа состојба, авионот кружел над Белград еден час пред конечно да слета. Поради истекување гориво, пожарникарите морале да го испрскаат леталото со пена за да спречат пожар.
Air Serbia соопшти дека авионот на летот за Дизелдорф е вратен од технички причини, а безбедноста на патниците во ниту еден момент не била загрозена.