Шпанската полиција ги истражува околностите околу убиството на три лица. Цивилната гарда уапси 42-годишен маж со пакистанско потекло, идентификуван како Дилавар Хусаин Ф.Ц. Тие објавија дека 42-годишникот се предал и ги признал убиствата.
Телата на Хозе Гутиерез Ајус (77) и неговите сестри Амелија (67) и Анхелес (74) беа пронајдени во нивниот дом минатата недела. Телата биле делумно изгорени. Тројцата живееле заедно во Мората де Тајуњо, град со околу 8.000 жители југоисточно од Мадрид, пишува Би-Би-Си.
Цивилната гарда истакна дека се чини дека мотивот на злосторството бил долгот што жртвите го имале кон осомничениот.