Модната икона Кејт Мос за својот 40-ти роденден ќе позира гола за американското издание на списанието „Плејбој“.
Британската манекенка ќе се појави на насловната страница од јануарското издание, со кое ќе биде одбележана 60-годишнината од постоењето на ова машко списание.
Уредникот на весникот Џими Јелинек изјави за „Лос Анџелес Тајмс“, дека Кејт е „соврешена“ за „Плејбој“.
– Зборуваме за најпознатата светска манекенка на насловната страница на Плејбој. Таа е идеален партнер кој ќе ни помогне да издржиме и во следните 60 години, истакна Јелинек.
Воодушевен е и основачот на списанието, Хју Хефнер, додавајќи дека „таа е позната ширум светот, таа е икона, па со самото тоа и природен избор за нас“.
Ако може да им се верува на шпекулациите, „жешкото“ снимање веќе е завршено. Наводно Кејт позирала во традиционалната облека на Плејбој со кадифени зајачки уши.