Судскиот совет свика итна седница за да се спаси предметот Ласкарци, бидејќи пресудата треба да се објави на 25 јануари, а судијката Александра Ристеска, која е член на советот, денеска положи заклетва за апелационен судија. Доколку таа замине во апелација, предметот ќе се врати од почеток.
Поради ова, претседателот на Кривичниот суд, Иван Џолев, побарал таа да биде делегирана назад во Кривичниот суд, се додека не биде објавена пресудата.
Претседателката на Судскиот совет Весна Дамева вели дека со делегирање на Ристеска во Кривичен суд до објавување на пресудата, ќе се спаси предметот од повторно судење и одолговлекување.
„Јас оваа информација ја дознав во 13:24 часот првпат дознав дека објава е закажана за 25.1.2024 година. Иако од претседателот на Кривичен суд бил доставен допис. Тој побарал делегирање на судијата, но во тој допис немало датум на пресудата. Изложена пред тие факти, сметам дека оваа седница е важна бидејќи без неа, одлагање на пресудата, предметот ќе го врати од почеток. Јас како претседател ако имав информација, ќе ја одложевме заклетвата. Судијата беше на положување заклетва, но не ме извести за тоа“, рече Дамева.
