Центарот за управување со криза (ЦУК) соопшти дека утрово во 6.33 часот на единствениот број за итни случаи 112 е добиена пријава за пожар во стан во зграда на шести кат на улицата „Пандил Шишков“ во Општина Аеродром.
Екипи на Бригадата за противпожарна заштита на Град Скопје веднаш излегле на терен и го изгаснале пожарот без да се прошири на соседните станови.
Во пожарот најверојатно настрадало повозрасно неподвижно лице.
Во гаснењето на пожарот интервенираат 15 пожарникари со шест противпожарни возила.
