Либискиот државен обвинител бара синот на поранешниот либиски лидер Моамер Гадафи, Сеиф ал Ислам да се премести од Зинтан во Триполи за да се приклучи во групата од 30-те функционери на поранешниот режим, на кои ќе им се суди за кривични дела за војната од 2011 година.
Обвинителот Абдулкадер Радван истакна дека веќе е испратен налог за трансфер на Ислам и дека до сега нема пречки тоа да се направи.
Како што пренесе „Франс прес“ во текот на ноќта траеле преговори за неговиот трансфер во Триполи.
Помеѓу групата на поранешни функционери е и некогашниот шеф на известувачката служба, Абдулах ал Сенсуси, премиерот Багдад ал Махмуд и Мансур Дав, кој ја предводеше Народната група.
Моамер Гадафи беше убиен во родното место Сирт, во октомври во 2011 година. Неговиот син Сеиф ал Ислам е уапсен наредниот месец во планинската област Зинтан.
Елена Георгиевска