Градоначалничката на Скопје, Данела Арсовска попладнево на својот профил на Фејсбук објави фотографија на која се гледа како седната покрај маса игра шах со Дедо Мраз.
„Во исчекување на резултатите од истрагата за елката…“, напиша Арсовска во објавата алудирајќи на денешната најавена посета на Финансиската полиција која требаше да ја испита набавката за новогодишното украсување на главниот град.
Арсовска минатата недела повеќепати кажа дека за новогодишното украсување имало јавен повик, но не покажа документ и не откри која е фирмата задолжена за украсувањето кое според неа чинело само 30 илјади евра, а не 300 илјади евра како претходните години.